बुटवलको सुप्रिम सहकारी ठगी प्रकरणमा संलग्न भएको अभियोगमा राष्ट्रिय स्वतन्त्र पार्टी (रास्वपा) का सभापति रवि लामिछाने भैरहवा पुगेका छन्। आफूमाथि दायर भएको मुद्दामा अदालतमा उपस्थित हुन उनी मंगलबार बुद्ध एयरमार्फत काठमाडौँबाट भैरहवा पुगेका हुन्। भैरहवा विमानस्थलमा उनलाई स्वागत गर्न समर्थक र नेताकार्यकर्ताको भिड लागेको थियो। विमानस्थलबाट बाहिरिँदा उनले प्रहरीसँग हात मिलाउँदै समर्थकलाई अभिवादन गरेर कारमा बसेका थिए ।
